Publicatiedatum: 15 oktober 2014
Reporter: Albert Hendriks – Friesland Holland Nieuwsdienst – www.friesnieuws.nl

Tip

Friese les: De skippers fan de Kameleon

Hielke en Sietse wenje yn it Fryske doarp Lenten. Op in dei fynt de twilling in âld opdrukker dy’t stykjen bleaun is yn de mar achter harren hûs. Mei help fan de motor fan in stikkene auto meitsje se der in sterke boat fan dêr’t de fluchste speedboat net tsjin op kin. Dat is it begjin fan in soad aventoeren.

De schippers van de Kameleon fan H. de Roos ferskynde foar it earst yn 1949. Nei it earste diel folgen noch folle mear boeken mei Hielke en Sietse yn de haadrol. Sa groeide de Kameleon út ta de meast súksesfolle nei-oarlochske berneboekesearje fan Nederlân. De schippers van de Kameleon is wilens mear as hûndert kear werprinte en hat miljoenen minsken lêswille jûn.

Stripferhaal troch Dick Matena, nei it boek fan H. de Roos
Dick Matena (1943) is ien fan de ferneamdste striptekeners fan Nederlân. Hy makke stripbewurkingen fan ferskate romans lykas De avonden, Kees de jongen en Kort Amerikaans en fan berneboeken lykas Pietje Bell, Kruimeltje en Afke’s tiental. Matena waard yn 2014 eare mei de earetitel Wereld Erfgoeddrager foar fyftich jier stripfakmanskip.

Aksje:
Op de beurs Gezin fan 17 o/m 19 oktober 2014 yn it WTC Expo kinne jo bij oanskaf fan dit stripboek (yn in Kameleonpakket) frijkaarten winne foar it Wintersprookje yn it Kameleondoarp.

Boekgegevens:
H. de Roos, De skippers fan de Kameleon (stripferhaal)
Yllustraasjes: Dick Matena
Siden: 48
Utfiering: paperback
ISBN: 978 90 6273 2647
Ferkeappriis: € 8,95

Meer info, ook over Fries leren: www.afuk.nl